lørdag 14. mars 2015

NIB-utfordring

Eg er så svak for teakmøblar frå 60-talet(?), designen og kvaliteten er veldig bra. Her ein dag kom eg over to nattbord på bruktbutikken, eg køyrte rett på fargehandelen og kjøpte inn måling for å gje dei ein makeover. Sjølv om eg er veldig glad i teakfargen, så passa den liksom ikkje heilt inn på soverommet mitt slik det framstår i dag. Her går det i grått og svart for tida. Eg lot beina vere i originalfargen, fordi det blei ein litt rå kontrast. Det gjenstår å sjå om eg skal behalde dei slik, eller om dei blir svarte eller kvite. Eg brukte svartmatt måling med pittelitt glans sidan den er litt sterkare enn matt måling. 






lørdag 10. januar 2015

Svalt lys på soverommet

NIB har ei utfordring gåande om lyssetjing av heimen. Eg har lite praktisk belysning heime, for eg klarer aldri å bestemme meg for type takbelysning; spottar, takskinner, kuppel?.. Men stemningslys har eg fått til. Vertfall på soverommet. Er så fornøgd med den litt svale, dunkle, litt røffe skandinaviske stilen her:) 



torsdag 1. januar 2015

Godt nyttår!

Hjelpe meg, denne bloggen lir av mitt fråvere merkar eg! 
Nyttårsaften blei feira heftig denne gongen. Eg diska opp til afterparty for 20-ish herlege folk og vi heldt det gåande til morgontimane. Det er litt kjekt å gjere litt ut av det når eg først tek på meg vertinnerolla, så pittelitt ballongar og nyttårselement måtte til for å setje stemninga. Og litt aktivitetar måtte også til, eg køyrte ein random kahoot-quiz med snoking på facebooksidene til folka - veldig gøy! Også skreiv alle eit nyttårsforsett på ein lapp, også trakk vi kvar sitt random nyttårsforsett! Det var ikkje dumt, mange fekk nye idear til fortsett, medan vi fekk ein god latter av andre. Å, kor vi kosa oss :)